共產黨唔算可怕

2014年03月28日

【杜汶澤再爆seed】共產黨唔算可怕 最可怕係擦共產黨鞋嘅擦鞋仔	23,658
最後更新: 0328 22:46 / 建立時間: 0328 18:36

適中字型 較大字型

如有雷同，實屬不幸。

近年杜汶澤經常喺fb同ig等社交平台為香港人發聲，即使事情唔係香港發生，好似近日台灣太陽花學運咁，阿澤都有貫徹近年不平則鳴嘅性格，表達自己意見同 聲援學生，更加因為咁俾強國嘅「北京麥特文化娛樂傳媒公司」嘅總裁陳礪志封殺添！(愛國溫兆倫更加係舉腳贊成)

不過你有你封殺，阿澤就照舊表達，佢日前接受一個網站訪問，大談現今香港社會，當中都有唔少金句添。

片段中，記者問佢如果佢做特首會點做？阿澤即刻話：「我點會做特首咁戇X，我做杜汶澤咁好，點會走去做特首？」佢又堅稱自己唔係代表香港人講出不滿，話自己只係香港人當中嘅一份子而已。

阿澤又話，香港依家比起大陸更「左」，全因為香港人一向識時務：「有人為咗一啲佢哋以為可以得到嘅利益，而去欺凌一啲同胞，即係香港人，呢樣嘢係最可怕，共產黨就唔算可怕，最可怕係擦共產黨鞋嘅擦鞋仔。」