2013年09月15日

與精神病康復者作賽　足球義工倡關愛共融

6,456

適中字型 較大字型

■Jacky（左）及Calvin（右）落力為復康盃創作主題曲及宣傳。

【特寫】
香港心理衛生會今年5月組成足球義工隊，成員來自五湖四海，組隊探訪外化身「足球選手」，與一眾精神病康復者切磋球技，一場簡單的足球賽事竟可宣揚關愛共融的精神？Why not！
記者：陳潔儀

計劃統籌之一社工蘇先生表示，義工足球隊現已發展成18人隊伍，參加者有剛畢業的大專生；資訊科技員；也有小學教師。他們將參加本月底舉行的香港足球復康 盃，除了表演賽外，更共同創作復康盃主題曲，為參賽隊伍打氣，「希望復康學員同義工可以透過訓練互相扶持，建立朋友關係」。

「跌低要識得起番身」

記者採訪義工隊訓練時，穿上恤衫西褲的義工足球隊成員Jacky（26歲）及Calvin（25歲）匆匆趕到，他們的職業分別為行為治療師及見習輔導員， 去年底才加入義工行列，不時聯袂到醫院探訪及為康復者舉辦嘉年華，今年更參與不太擅長的足球運動。
「自己以前讀心理學，以為對佢哋（精神病康復 者）有一定認識，未接觸前以為佢哋會反應比較慢，但原來佢哋好拼搏，會盡力做好自己嘅位置，反而我仲跑得慢過佢哋！」Jacky笑說。Calvin更謂： 「成班人經過踢友誼賽熟咗，會開始互相關心，希望社會大眾可以增加對佢哋認識。」

「人生好似踢波一樣」

隊友們每次練習都十分認真及博到盡，更請來車路士足球學校（香港）導師擔任教練。其中一位教練為前南華退役球員岑國培，他笑言有意想不到「收穫」：「以前 對我嚟講，足球在心中，之前真係冇諗過足球可以幫到弱勢社群！對義工同對康復者一樣，唔應該以教練身份話佢哋，反而用朋友身份同佢哋相處，開心嚟又開心 走！」
義工足球隊經常與其他精神病康復者組成的隊伍「對決」，當中「彩雲宿舍隊」隊長阿業（36歲）已投身「球壇」5年，他坦言年輕時曾因任報 館，其夜班時間及人事關係令他患上抑鬱症，加入足球隊令他對人生有新的體會，並日漸康復，「其實人生就好似踢波一樣，唔好睇輸贏得失太重，跌低咗要識得起 番身！」