睇相遊劏房 鹹魚焗到發霉

2013年07月09日

隔牆有耳： 睇相遊劏房　鹹魚焗到發霉

6,870

適中字型 較大字型

■劏房環境太焗、太濕，連放係單位內嘅鹹魚都焗到發霉（左圖），街坊就係屈喺裏面瞓覺同煮食（右圖）。關注綜援低收入聯盟提供圖片

呢邊廂唐唐忙於拆僭建，但係香港嘅另一邊，住屋問題都好嚴重㗎，關注綜援低收入聯盟今日就會搞一個「劏房漫遊」攝影展，由劏房居民自己做攝影師，將佢哋屈喺狹小劏房嘅困苦生活呈現出嚟畀大家睇。
各式各樣嘅劏房當然係主角，仲有街坊影咗一袋發霉嘅鹹魚，原來係因為劏房環境太焗、太濕，連放係單純入面嘅鹹魚都頂唔住，焗到發霉，可想而知劏房入面嘅住客有幾辛苦啦。
呢個相展，今日下午3點會喺香港兆基創意書院開幕，除咗有毛孟靜撐場，街坊都會現身，分享吓住劏房感受。街坊到時仲會集體高舉「祝君早安」毛巾，寓意各位街坊都可以早日上樓。